राष्ट्रिय सभाको सिट बाँडफाँटमा सत्ता गठबन्धन सहमति नजिक

२२ पुस, काठमाडौं । राष्ट्रिय सभाको सिटबाँडफाँटमा सत्ता गठबन्धन सहमति नजिक पुगेको छ ।

राष्ट्रिय सभाका १९ सिटका लागि हुने निर्वाचनमा नेपाली कांग्रेसले १० माओवादी केन्द्रले ६, एकीकृत समाजवादीले २ र जनता समाजवादीले एक लिने मोटामोटी सहमति भएको छ ।

यसको अन्तिम टुंगो आज बस्ने गठबन्धले लगाउने नेताहरूले बताएका छन् ।

सिट बाँडफाँटबारे छलफल गर्न शनिबार मध्यरातसम्म प्रधानमन्त्री बालुवाटारमा नेताहरुको बैठक बसेको थियो ।

बैठकमा एकीकृत समाजवादीले आफूलाई कम सिट भएको भन्दै असहमति जनाएको थियो । उसले तीन सिटमा दाबी गरेको छ ।

जनमत पार्टीका अध्यक्ष सिके राउतले पनि एक सिटमा दाबी गरेका थिए । तर, सिट नपाउने भएपछि उनी बैठकको बीचमै बाहिरिएका थिए ।

source https://www.onlinekhabar.com/2024/01/1416182