सप्तरीमा बाटोमा छरिएको अवस्थामा पैसा भेटियो

१६ वैशाख, सप्तरी । जिल्लाको तिरहुत गाउँपालिकामा पैसाका नोट नोटहरु छरिएको अवस्थामा फेला परेको छ ।

तिरहुत गाउँपालिका वडा नम्बर ८ गोइठीस्थित वस्तीमा मंगलबार बिहान केही नोट छरिएको अवस्थामा फेला परेको हो ।

उक्त ठाउँबाट २ सय ७५ रुपैयाँ छरिएको अवस्थामा फेला परेको इलाका प्रहरी कार्यालय कञ्चनपुरका प्रमुख प्रहरी नायव उपरीक्षक मकेन्द्र मिश्रले जानकारी दिए । उनका अनुसार ५, १०, २०, ५० र १०० रुपैयाँको नोट छरिएको पाइएको छ ।

सोमबार राति नै वस्तीमा नोट छरिएको देखेपछि स्थानीयले विहान प्रहरीलाई खबर गरेका थिए । प्रहरी चौकी डिमनबाट खटिएको प्रहरी टोलीले उक्त नोट सुरक्षित साथ राखेको बताउँदै नायव उपरीक्षक मिश्रले ती नोटको जाँच गरिने बताए ।

source https://www.onlinekhabar.com/2020/04/859036