ब्रेन्टफोर्ड पहिलो पटक प्रिमियर लिगमा

१६ जेठ, काठमाडौं । वेष्ट लण्डन क्लब ब्रेन्टफोर्ड पहिलो पटक इंग्लिस प्रिमियर लिगमा बढुवा भएको छ ।

शनिबार राति भएको इंग्ल्याण्डको दोस्रो श्रेणीको च्याम्पियनसिपको प्ले अफमा १० खेलाडीमा सिमित स्वान्सी सिटीलाई २-० ले पराजित गर्दै ब्रेन्टफोर्ड प्रिमियर लिगमा बढुवा भएको हो ।

सन् १९४७ पछि इंग्ल्याण्डको शीर्ष डिभिजन फुटबलमा फर्केको ब्रेन्टफोर्ड १९९२ मा सुरु भएको प्रिमियर लिग खेल्ने ५०औं टिम बन्नेछ ।

ब्रेन्टफोर्डलाई जित दिलाउन इभान टोनीले २०औं र इमिलियानो मार्कोन्डेसले २०औं मिनेटमा गोल गरे ।

६५ औं मिनेटमा जय फुल्टनले रातो कार्ड पाएपछि स्वान्सी १० खेलाडीमा समेटिएको थियो ।

गत सिजन ब्रेन्टफोर्ड प्ले अफको फाइनलमा फुलहमसँग पराजित भएर बढुवा हुनबाट बन्चित भएको थियो ।

source https://www.onlinekhabar.com/2021/05/961989