शेखर कोइराला भन्छन : न्यायालयप्रति ओलीको टिप्पणी अधिनायकवादी व्यवस्थाको पूर्वाभ्यास

१८ जेठ, काठमाडौं । नेपाली कांग्रेसका नेता डाक्टर शेखर कोइरालाले प्रधानमन्त्री केपी शर्मा ओलीको न्यायालय र वकिलहरुप्रतिको टिप्पणी अधिनायकवादी व्यवस्थाको पूर्वाभ्यास र तानाशाह बन्ने चाहना भएको बताएका छन ।

मंगलाबार बिहान एक ट्विट गर्दै नेता कोरालाले ओलीले कानुन व्यवसायी र वकिलहरुले लोकतान्त्रिक आन्दोलनमा खेलेको भूमिका बिर्सेको मात्र नभई हारको मानसिकताको उपहार र गण तन्त्रको अवमूल्यन भएको समेत उल्लेख गरेका छन् ।

सोमबार एक कार्यक्रमलाई सम्बोधन गर्दै ओलीले पूर्व प्रधान न्यायाधीशरुलाई वर्तमान न्यायलयका काम कारबाहीमाथि हस्तक्षेपकारी ताण्डव गरेको टिप्पणी गरेका थिए । साथै, उनले कालोकोटधारी केही व्यक्तिले न्यायालयलाई कुन अवस्थामा पुर्‍याउँदै हुनुहुन्छ भन्दै आक्रोश व्यक्त गरेका थिए ।

प्रधानमन्त्रीको न्यायालय र वकिलहरु प्रतिको टिप्पणी:
उनीहरुले लोकतान्त्रिक आन्दोलनमा खेलेको भूमिका विर्सेको मात्र नभई हारेको मानसिकताको उपज,लोकतन्त्रको उपहास, गणतन्त्रको अवमूल्यन,अधिनायकबादी व्यवस्थाको पूर्वाभ्यास र तानाशाह वन्ने चाहना।सजग बनौं, सबै क्षेत्रबाट सशक्त प्रतिकार गरौं।

— Dr Shekhar Koirala (@Shekharnc) June 1, 2021

source https://www.onlinekhabar.com/2021/06/963042