नेपाली समुदायबारे बेलायती सरकारलाई दूतावासको पत्र

१६ वैशाख, लण्डन । बेलायतस्थित नेपाली राजदूतावासले बेलायती सरकारलाई पत्र पठाइ नेपाली समुदायमा कोरोना भाइरसले पारेको प्रभावबारे अवगत गराएको छ ।

यहाँको रक्षा मन्त्रालय, गोरखा वेलफेयर ट्रष्टलगायतका निकायबाट बेलायतमा रहेका नेपालीमध्ये कोरोना सङ्क्रमणका कारण वृद्धवृद्धा एवं भूतपूर्व गोरखा सैनिक र उनीहरूको परिवारका सदस्य बढी प्रभावित भएको दूतावासले जानकारी गराइएको छ ।

नेपाली समुदायमा भाषागत समस्या तथा अस्पताल र अत्यावश्यक सामग्रीको पहुँचलगायत अन्य विविध समस्या रहेकाले यथाशक्य चाँडो आवश्यक सहयोगका लागि आग्रह गरिएको दूतावासले जनाएको छ ।

यस सम्बन्धमा राजदूत डाक्टर दु्गाबहादुर सुवेदी आफैले ब्रिटिश सरकारको परराष्ट्र मन्त्रालय, रक्षा मन्त्रालय र गोरखा वेलफेयर ट्रष्टमा टेलिफोन गरी ध्यानाकर्षणसमेत गराइएको दूतावासका प्रवक्ता शरदराज आरणले जानकारी दिए ।

source https://www.onlinekhabar.com/2020/04/859003