जमुनाहामा नाकामा ‘कोरोना हेल्थ डेस्क’

२० माघ, बाँके । कोरोना भाइरसको संक्रमण भित्रिन नदिन बाँकेस्थित नेपाल–भारत सीमानाका जमुनाहामा आइतबारदेखि ‘हेल्थ डेस्क’ सञ्चालनमा ल्याइएको छ ।

सो सीमानाका हुँदै नेपाल भित्रिनेहरू कोरोना संक्रमित रहे नरहेको जाँच गर्न हेल्थ डेस्क स्थापना गरिएको नेपालगञ्ज उपमहानगरपालिका स्वास्थ्य शाखा प्रमुख डिल्लीराज पोखरेलले जानकारी दिए ।

डेस्कमा दुई जना स्वास्थ्यकर्मी खटाइएको छ । विशेष गरी डेस्कले ज्वरो आएका, रुघाखोकी लागेका र शंकास्पदको स्वास्थ्य परीक्षण गर्ने छ । यसका लागि दुईवटा इन्फारेड थर्मोमिटर प्रयोग गरिने जनाइएको छ ।

source https://www.onlinekhabar.com/2020/02/833318