युक्रेनबाट नेपालीहरुलाई उद्धार गर्न अखिल क्रान्तिकारीको माग

१४ फागुन, काठमाडौं । नेकपा माओवादी (केन्द्र) निकट विद्यार्थी संगठन अखिल (क्रान्तिकारी)ले युद्धग्रस्त युक्रेनबाट नेपाली नागरिकको अबिलम्ब उद्धार गर्न सरकारसँग माग गरेको छ ।

अध्यक्ष पञ्चा सिंहले विज्ञप्ति जारी गरी युक्रेनमा रहेका नागरिकमाथि सुरक्षा चुनौति बढ्दै गएको भन्दै नेपालीहरुलाई तत्काल उद्धार गर्न माग गरेकी हुन् ।

संकटमा परेका नागरिकका लागि राज्यले सुरक्षित रहनुस् भन्दै सूचना निकाल्नु पर्याप्त नहुने भन्दै विज्ञप्तिमा लेखिएको छ– कूटनीतिक पहल र आर्थिक लगायत प्रवन्ध गरी अप्ठेरोमा परेका नेपाली विद्यार्थी र नागरिकहरुको अबिलम्ब उद्धार गर्न जोडदार माग गर्दछौं ।

विदेशी भूमिमा रहेका आफ्ना नागरिकमाथि युद्ध, प्राकृतिक विपत्ति महामारी आदिका कारण सुरक्षा चुनौती आइपर्दा नागरिकको जीउधनको रक्षा गर्ने कर्तव्य राज्यको हुने पनि विज्ञप्तिमा लेखिएको छ ।

यो पनि पढ्नुहोस

युक्रेनबाट नेपाली विद्यार्थीको आग्रह – मर्ने बाँच्ने टुंगो भएन, उद्धार गरिदिनुस्

यो पनि पढ्नुहोस

युक्रेनका नेपालीलाई स्लोभाकिया, पोल्याण्ड वा हंगेरीतर्फ लाग्न वर्लिन दूतावासको सुझाव 

source https://www.onlinekhabar.com/2022/02/1085437