नायिका प्रियंका कार्कीले आफ्नो बिबाह फागुण महिनामा पक्का भएको जानकारी दिएकी छिन् । अनलाइनखबरसँग कुरा गर्दै प्रियंकाले भनिन्–‘फागुणमै बिहे हुने पक्का भएको छ । हामी तयारीमा पनि जुटिसकेका छौ । तर, मिति फाइनल भैसकेको छैन । फागुण १७ गते राम्रो दिन छ, सायद यही दिनमा नै हुन सक्छ ।’
नायिका कार्कीले केही समय अगाडि अनलाइनखबरसँग कुरा गर्दै यो बर्ष बिहे नगर्ने बताएकी थिइन् । यस बिषयमा कार्कीले भनिन्–‘सधै काम भनेर बिहे पछि सार्दा सार्दै बिहे नै नहुने अवस्था आयो । काम त सधै नै हुँदोरहेछ । यसैले, फागुणमै समय निकालेर बिहे गर्न लागेका हौं ।’
उनले, आफ्नो भाइको नेपाल आउने टिकट पक्का भएसँगै बिहेको दिन फाइनल गर्ने बताइन् ।
नायक आयुष्मान देशराज जोशी र नायिका प्रियंका कार्कीको इन्गेजमेन्ट भएको एक बर्ष बढी भैसकेको छ । समय नमिलेको भन्दै प्रियंका र आयुष्मानले बिहेको मिति पछि सार्दै आएका थिए । नायिका कार्की केही दिन अगाडि एक साता लामो ब्याचलर पार्टी मनाउन थाइल्याण्ड पुगेकी थिइन् ।
source https://www.onlinekhabar.com/2020/01/832703
0 Comments