शीर्ष स्थानमा उक्लिने मौका गुमायो ग्रानाडाले

१५ कात्तिक, काठमाडौं । स्पेनिस ला लिगा फुटबलको शीर्ष स्थानमा उक्लिने मौका ग्रानाडाले गुमाएको छ ।

बिहीबार राति भएको खेलमा गेटाफेसँग ३–१ गोलअन्तरले पराजित हुँदै ग्रानाडा शीर्ष स्थानमा पुग्नबाट चुक्यो । पहिलो हाफमा दुई गोल खाएको ग्रानाडाले दोस्रो हाफमा एक गोल फर्काए पनि थप एक गोल खान पुग्यो ।

गेटाफेलाई पराजित गरेको भए ग्रानाडा २३ अंक बनाउँदै लिगको शीर्ष स्थानमा उक्लिने थियो । तर, पराजयपछि ग्रानाडा तेस्रो स्थानमै यथावत् छ ।

लिगको शीर्ष स्थानमा रहेको बार्सिलोनाको १० खेलबाट २२ अंक छ । दोस्रो स्थानमा रहेको रियल मड्रिडको समान १० खेलबाट २१ अंक छ । लिगको तेस्रो स्थानमा रहेको ग्रानाडाको ११ खेलबाट २० अंक रहेको छ ।

source https://www.onlinekhabar.com/2019/11/807618