धरान उपमहानगरपालिकामा नेकपा र कांग्रेसबीच कडा प्रतिस्पर्धा

१५ मंसिर, काठमाडौं । धरान उपमहानगरपालिकाको मेयरका लागि भएको उपनिर्वाचनमा नेकपा उम्मेदवारले कांग्रेस उम्मेदवारलाई भिनो मतले पछि पारेका छन् ।

धरान उपमहानगरपालिकाको १८, १९ र २० वडाको मतगणना सकिँदा नेकपा उम्मेदवार प्रकाश राईले २३०९ मत हासिल गरेका छन् । उनलाई कांग्रेस उम्मेदवार तिलक राईले कडा टक्कर दिइरहेका छन् । प्राप्त अन्तिम परिणामअनुसार, राईले १७ मत कम अर्थात २२९२ मत पाएका छन् ।

३ वडाको मतगणना सकिँदा समाजवादी पार्टीले ७८ र लिम्बुवानले १३१ मत बटुलेका छन् ।

अहिले उपमहानगरपालिकाको १७ वडाको मतगणना भइरहेको छ ।

source https://www.onlinekhabar.com/2019/12/815986