१३ मंसिर, काठमाडौं । राष्ट्रिय पुनर्निर्माण प्राधिकरणले ऐतिहासिक रानीपोखरीको पुनर्निर्माणलाई तीव्रता दिएको छ ।
२०७२ सालमा गएको भूकम्पले क्षतिग्रस्त बनेको रानीपोखरीको पुनर्निर्माण वैशाखमा सक्ने प्राधिकरणको लक्ष्य छ ।
रानीपोखरी र बालगोपालेश्वर मन्दिर पुनर्निर्माण तीन वर्षसम्म अघि नबढेपछि प्राधिकरणले जिम्मा लिएको हो ।
अहिले पोखरीमा कालोमाटो लगाउने, पर्खाल निर्माण गर्ने र बीच भागमा रहेको बालगोपालेश्वर मन्दिर पुनर्निर्माण भइरहेको छ । पुसको अन्तिम साता सम्ममा पर्खाल लगाउने र पोखरीमा कालो माटो राख्ने काम सकिने प्राधिकरणका सम्पदा विज्ञ राजुमान मानन्धरले बताए ।
यस्तै बालगोपालश्वर मन्दिरको पुनर्निर्माणको काम २० प्रतिशत सकिएको छ । हाल मन्दिरमा काठको काम भइरहेको छ । पर्खालको काम ८५ प्रतिशत सकिएको छ भने पोखरीको काम ४० प्रतिशत सकिएको मानन्धरले बताए ।
तस्वीरमा हेर्नुहोस् रानी पोखरी पुननिर्माण :
source https://www.onlinekhabar.com/2019/11/815384
0 Comments