जंगली हात्तीको आक्रमणबाट चितवनमा १ जनाको मृत्यु

१२ असोज, चितवन । जंगली हात्तीको आक्रमणबाट चितवनमा १ जनाको ज्यान गएको छ । मृत्यु हुनेमा माडी नगरपालिका–१, दौपतीकी ६२ वर्षीया कौसीमाया तामाङ रहेको प्रहरीले जनाएको छ ।

जिल्ला प्रहरी कार्यालय, चितवनका अनुसार शनिबार राति ९ः४५ बजे घर नजिकै बाटोमा हिँडिरहेका बेला हात्तीले आक्रमण गरेको थियो । आक्रमणबाट तामाङको घटनस्थलमै मृत्यु भएको हो ।

तामाङको शव परीक्षणका लागि भरतपुर ल्याइँदैछ ।

source https://www.onlinekhabar.com/2019/09/799970