बर्नलीमाथि लिभरपुलको सहज जित

१५ भदौ, काठमाडौं । लिभरपुलले इंग्लिस प्रिमियर लिग फुटबलमा बर्नलीलाई पराजित गरेको छ ।

शनिबार राति भएको खेलमा लिभरपुलले आफ्नो अपराजित यात्रालाई कायमै राख्ने क्रममा बर्नलीलाई ३–० गोल अन्तरले पराजित गरेको हो । लिभरपुलको जितमा साडियो माने र रोबर्टो फिर्मिन्होले गोल गरे । त्यस्तै, एक गोल भने बर्नलीका क्रिस वुडले आत्मघाती गोल गरेपछि उपाहारस्वरूप पाएको थियो ।

३३ औं मिनेटमा वुडले आफ्नै पोष्टमा आत्मघाती गोल गर्न पुगेपछि लिभरपुलले १–० गोलको अग्रता बनाएको थियो । त्यसको चार मिनेटपछि अर्थात् खेलको ३७ औं मिनेटमा मानेले गोल गर्दै लिभरपुललाई २–० गोलको अग्रता दिलाए ।

प्हिलो हाफमा २–० गोलको अग्रता बनाएको लिभरपुलले खेलको ८० औं मिनेटमा अर्को गोल थप्न सफल भयो । यो पटक भने फिर्मिन्होले गोल गरेका थिए । निर्धारित समयसम्म बर्नलीले गोल फर्काउन नसकेपछि खेल लिभरपुलले ३–० गोलले जितेको हो ।

 

source https://www.onlinekhabar.com/2019/09/792618