युभेन्टसले च्याम्पियन्स लिग जित्ने रोनाल्डोको दाबी

१४ साउन, काठमाडौं । क्रिस्टियानो रोनाल्डोले गत सिजन रियल मड्रिड छाडे तर उनीमाथि उपाधिको भोक मोरेको छैन । युभेन्टसबाट सिरी ए को उपाधि उचालेका उनले पोर्चुगलका लागि यूईएफए नशेन्स लिगको ट्रफी दिलाए ।

स्पेनिस पत्रिका मार्काको लेजेन्ड्री अवार्ड लिन मड्रिड पुगेका रोनाल्डोेले आफूसँग अझै जित्ने क्षमता रहेको बताए । युभेन्टसले च्याम्पियन्स लिग जित्नेछ’ उनले भने, ‘यही सिजन जित्छ कि अर्को सिजन थाहा छैन तर, यो हुनेछ ।’

पोर्चुगिज फुटबलर रोनाल्डोले म्यानचेष्टर र मड्रिडलाई निकै मिस गर्ने समेत बताएका छन् ।

आफू सपना व्यवसायिक फुटबलर हुने मात्र भएकाले यस्तो सफलता पाउने अपेक्षा नगरेको बताए ।

source https://www.onlinekhabar.com/2019/07/784373