मेस्सीको कीर्तिमान

१५ असार, काठमाडौं । लिओनल मेस्सीले अर्जेन्टिनाको लागि सर्वाधिक खेल खेल्ने कीर्तिमान बनाएका छन् ।

ब्राजिलमा भइरहेको ४७औं संस्करणको कोपा अमेरिका फुटबलअन्तर्गत अहिले भइरहेको इक्वेडरविरुद्धको खेल सुरुआत गर्दै मेस्सीले सर्वाधिक १४८औं खेल खेलेका हुन् ।
यसअघि उनले ज्याभिएर मास्केरानोसँगै सर्वाधिक खेल खेल्ने कीर्तिमान बराबरी गरेका थिए।

समूह ए को अन्तिम खेलमा इक्वेडरविरुद्ध मेस्सीले पहिलो हाफमा उत्कृष्ट प्रदर्शन गर्दै दुई गोल गरिसकेका छन् ।

यस्तै एक गोलका लाग असिस्ट समेत गरेका छन् । उनले पेनाल्टीमा एक गोल गरेका थिए भने सर्जियो अगुएरोको पसामा अर्को गोल गरे । यस्तै अलेजान्द्रो गोमेजका लागि असिस्ट समेत गरे ।

सन् २००५ मा हंगेरीविरुद्ध खेल्दै राष्ट्रिय टिममा डेब्यु गरेका मेस्सी अर्जेन्टिनाका लागि सर्वाधिक गोल गर्ने खेलाडी समेत हुन् । उनले १४८ खेलमा ७५ गोल गरिसकेका छन् ।

source https://www.onlinekhabar.com/2021/06/975860