रुट इंग्ल्याण्डको टी-२० टिममा परेनन्

१६ भदौ, काठमाडौं । इंग्लयाण्ड टेष्ट टिमका कप्तान जो रुट अष्ट्रेलियाविरुद्ध तीन खेलको टी-२०आई सिरिजका लागि टिममा पर्न असफल भएका छन् ।

अष्ट्रेलियाविरुद्ध हुने तीन खेलको ओडिआई सिरिजका लागि टिममा परेका रुट तीन खेलकै टी-२० सिरिजका लागि भने परेनन् ।

इओन मोर्गनको कप्तानीमा ओडिआईको लागि १३ र टी-२०का लागि १४ सदस्यीय इंग्लिस टोली घोषणा भएको छ ।

रुटसँगै अलराउण्डर क्रिस वोक्स पनि ओडिआई टिममा मात्र छन् । जोस बटलबर जोफ्रा बर्चर साम कुरन मार्क उड भने दुवै टोलीमा छन् ।

बेन स्टोक्स भने टिममा छैनन् । आफ्नो बुबा बिरामी भएका कारण पाकिस्तानविरुद्धको अन्तिम दुई टेष्ट गुमाएका स्टोक्स बिरामी बुबा भेट्न न्यूजिल्याण्ड गएका छन् ।

तीन खेलको टी-२० सिरिज सेप्टेम्बर ३ देखि सुरु हुँदैछ । ओडिआई सिरिज सेप्टेम्बर ११ देखि सुरु हुनेछ ।

 

टी-२० टिम : इओन मोर्गन (कप्तान) मोइन अली, जोफ्रा आर्चर, जोनी बेयर्‍स्टोव, टम ब्यान्टन, साम बिलिङ्स, जोस बटलर, साम कुरन, टम कुरन, जोए डेन्ली, क्रिस जोर्डन, डेविड मालान, एदिल रसिद, मार्क उड

रिजर्भ : लियम लिभिङ्गस्टोन, साकिव महमुद

ओडिआई टिम : इओन मोर्गन (कप्तान), मोइन अली, जोफ्रा आर्चर, जोनी बेयर्‍स्टोव, टम ब्यान्टन, साम बिलिङ्स, जोस बटलर, साम कुरन, टम कुरन, जोए रुट, क्रिस वोक्स, एदिल रसिद, मार्क उड

रिजर्भ : जोए डेन्ली, साकिव महमुद

source https://www.onlinekhabar.com/2020/09/893147