धमाधम लाभांश घोषणा गर्दै बैंकहरु, कुनले कति दिँदैछन् ?

९ कात्तिक, काठमाडौं । गत आर्थिक वर्षको मूनाफाबाट शेयरधनीहरुलाई दिने लाभांश १२ वटा बैंकहरुले घोषणा गरेका छन् । अन्य केही बैंकहरुले भने लाभांश घोषणा गर्ने तयारीमा रहेका छन् । केही बैंकहरुले लाभांश घोषणा गरी साधारण सभा प्रयोजनका लागि बुक क्लोज समेत गरेका छन् ।

सोमबार केही बैंकहरुको बोनस शेयर पछि मूल्य समायोजन भएको छ । माछापुछ्रे बैंक, सानिमा बैंक, कुमारी बैंक लगायतको नेपाल स्टक एक्सचेञ्जमा मूल्य समायोजन समेत भइसकेको छ । हालसम्म लाभांश सार्वजनिक गरेका बैंकहरु मध्ये गत आर्थिक वर्षको मूनाफाबाट धेरै लाभांश दिने पहिलो नम्बरमा हिमालयन बैंक देखिएको छ ।

हिमालयन बैंकले नगद लाभांश ४.६२ प्रतिशत र बोनस शेयर २१.३८ प्रतिशत गरी जम्मा २६ प्रतिशत लाभांश दिने घोषणा गरेको छ । दोस्रो नम्बरमा देखिएको सानिमा बैंकले ०.८९ प्रतिशत नगद लाभांश कर प्रयोजनका लागि र १७ प्रतिशत बोनस शेयर दिने निर्णय गरेको छ भने तेस्रो नम्बरमा धेरै लाभांश घोषणा गर्नेमा नेपाल बैंक देखिएको छ । नेपाल बैंकले ३ प्रतिशत नगद लाभांश र १४ प्रतिशत बोनस शेयर गरी १७ प्रतिशत लाभांश दिने निर्णय गरेको हो ।

सि.नं.	बैंकको नाम	नगद लाभांश	शेयर लाभांश	कुल लाभांश (प्रतिशतमा)
१	हिमालयन बैंक	४.६२	२१.३८	२६
२	सानिमा बैंक	०.८९	१७	१७.८९
३	नेपाल बैंक	३	१४	१७
४	नेपाल इन्भेष्टमेन्ट बैंक	३.३९	१२.६१	१६
५	सिटिजन्स बैंक	३.०९	१२.९१	१६
६	एनआइसी एशिया बैंक	०.७९	१५	१५.७९
७	नेपाल बंगलादेश बैंक	३.५	१२	१५.५
८	सिद्धार्थ बैंक	०.७५	१४.२५	१५
९	माछापुछ्रे बैंक	०.७	१३.३	१४
१०	ग्लोबल आइएमई बैंक	३.५	१०	१३.५
११	स्टाण्डर्ड चार्टर्ड बैंक	३.०६	१०	१३.०६
१२	कुमारी बैंक	२.६७	६	८.६७

 

source https://www.onlinekhabar.com/2021/10/1030020