उपत्यकामा सवारी चेकजाँचमा कडाइ

१५ चैत, काठमाडौँ । महानगरीय ट्राफिक प्रहरी महाशाखाले काठमाडौँ उपत्यकामा सवारी चेकजाँचमा कडाइ गरेको छ ।

होलीमा अवाञ्‍छित गतिविधि नहुन दिन र कोरोनाबाट सतर्कता अपनाउन ट्राफिक प्रहरीले चेकजाँचमा कडाइ गरेको महानगरीय ट्राफिक प्रहरी महाशाखाका प्रवक्ता एसपी श्‍याम अधिकारीले जानकारी दिए ।

उनले अनलाइनखबरसँग भने, ‘ होलीमा अवाञ्छित गतिविधि नहोस र कोरोनाको सतर्कताका लागि पनि सवारी चेकजाँचमा कडाइ गरेका हौँ ।’

काठमाडौँ उपत्‍यकामा ८  सयभन्दा बढी प्रहरी परिचालन गरेको उनले बताए ।

source https://www.onlinekhabar.com/2021/03/941244