रेल स्टेशनमा अलपत्र बालकको सहयोगका लागि अघि आए साहरुख

केही दिन अगाडि सामाजिक संजालमा एउटा भिडियो भाइरल भयो, जहाँ एक बालक आफ्नी आमालाई उठाउने कोशिश गरिरहेका थिए । तर, उनकी आमा मरिसकेकी थिइन् । रेलवे स्टेशनमा केही दिनदेखि भोकै ती महिलाको खाना नपाएपछि निधन भएको थियो । उनको साना २ बालक उनलाई उठाउने कोशिश गरिरहेका थिए ।

बिहारको मुजफ्फरपुर रेल स्टेशनमा यो घटना घटेको थियो । अब, यी बालकको सहयोगका लागि नायक साहरुख खानले कदम उठाएका छन् ।

साहरुखको मिर फाउन्डेशनले बच्चालाई आर्थिक सहयोग गरेको छ । मीर फाउन्डेशनको अफिसियल ट्विटर एकाउन्टमा लेखिएको छ–‘बालकको सहयोगका लागि हामीसँग आग्रह गर्ने सबैलाई धन्यवाद । हामी उनलाई सहयोग गर्दैछौ र अहिले उनी आफ्नो हजुरबुबाको साथमा छन् ।’

साहरुखले पनि ट्विट गर्दै लेखेका छन्–‘म प्रार्थना गर्दछु कि बालकलाई आफ्नी आमा गुमाउनुको पीडा सहने शक्ती भगावन्ले प्रदान गरुन् । मलाई थाहा छ यसको पीडा कस्तो हुन्छ । हाम्रो साथ र माया तिमीलाई सधै छ ।’

बालकका हजुरबुबाले साहरुखले अहिले दुई बच्चाको नाममा १–१ लाख रुपैयाँ बैंकमा डिपोजिट गरिदिएको बताएका छन् । नायक साहरुख खानले कोरोना संक्रमणसँग जुध्नका लागि निरन्तर सहयोग गरिरहेका छन् ।

source https://www.onlinekhabar.com/2020/06/869888