माटाको दुई गोल, गेटाफेको नजर शीर्ष चार

१६ असार, काठमाडौं । जेमी माटाको दुई गोल मद्दतमा गेटाफेले स्पानिस ला लिगामा रियल सोसिडाडलाई २-१ ले पराजित गरेको छ। जितपछि गेटाफे पाँचौ स्थानमा उक्लेको छ र शीर्ष चारमा पुग्ने सम्भावनालाई कायमै राखेको छ ।

घरलु मैदाना भएको खेलमा माटाले २०औं मिनेटमा पेनाल्टीमा गोल गर्दै गेटाफेलाई अग्रता दिलाएका थिए । ५५औं मिनेटमा एडनान जानुजाईले सोसिडाडको लागि बराबरी गोल फर्काए । तर ८३ औं मिनेटमा माटाले व्यक्तिगत दोस्रो गोल गरेपछि गेटाफेले २-१ को जित हात पारेको हो ।

जितपछि ३२ खेलबाट ५२ अंक जोडेको गेटाफेले भियारियललाई एक अंकले पछि पारेको छ । यस्तै चौथो स्थानको सेभियासँग गेटाफेले अंक दूरी २ मा झारेको छ ।  सोसिडाड भने ४७ अंकसहित सातौँ स्थानमा छ ।

source https://www.onlinekhabar.com/2020/06/877600