साउथह्याम्पटनको पोष्टमा लिभरपुलको चार गोल

१२ मंसिर, काठमाडौं । प्रिमियर लिगमा शनिबार लिभरपुलले साउथह्याम्पटनलाई ४-० ले पराजित गरेको छ । प्रभावशाली जितपछि लिभरपुल दोस्रो स्थानमा उक्लेको छ र शीर्ष स्थानको चेल्सीसंग अंक दूरी १ मा झारेको छ ।

घरेलु मैदान एनफिल्डमा लिभरपुलका लागि डिएगो जोटाले खेलको दोस्रो र ३२औं मिनेटमा गोल गरे ।

यस्तै थियागो अलकान्टाराले ३२औं र भर्जिल भान डाइकले ५२औं मिनेटमा गोल गरे ।

जितपछि १३ खेलबाट २८ अंक जोड्दै लिभरपुल दोस्रो स्थानमा उक्लेको छ । एक खेल कम खेलेको चेल्सी २९ अंकसहित शीर्ष स्थानमा छ । चेल्सीले आइतबार म्यानचेष्टर युनाइटेडसँग खेल्दैछ ।

शनिवारै भएको अर्को खेलमा आर्सनलले न्युसकाललाई २-० ले हरायो । आर्सनलको लागि बुकाया साको र गाब्रीएल मार्टिनेलीले गोल गरे । जितपछि आर्सनल १३ खेलबाट २३ अंक जोडेर पाँचौ स्थानमा छ ।

source https://www.onlinekhabar.com/2021/11/1045011