ड्रग्सको मुद्दामा पक्राउ परेका कोहलीलाई १४ दिन हिरासतमा राख्न आदेश

बलिउड कलाकार अरमान कोेहलीलाई ड्रग्सको मुद्दामा मुम्बइको एक अदालतले १४ दिनको लागि न्यायिक हिरासतमा राख्न आदेश दिएको छ । अरमानको साथमा ड्रग्स भेटिएपछि उनलाई नारकोटिक्स कन्ट्रोल ब्यूरोले गिरफ्तार गरेको थियो । प्रहरीले कोहलीको घरमा छापा मार्दा १.२ ग्राम कोकीन भेटिएको थियो । कोेहलीको बैङ्क ब्यालेन्सको पनि छानबिन गरिने बताइएको छ ।

अरमान कोेहली, ड्रग पेडलर अजय राजूलाई समेत पक्राउ गरेपछि प्रहरीले उनीहरुको सम्बन्ध अन्तरराष्ट्रिय ड्रग सिन्डिकेट तथा प्रोस्टिट्यूशन र्याकेटसँग पनि रहेको फेला पारेको छ ।

प्रहरीले उनीहरुविच ड्रग्स खरिदको बिषयमा भएको कुराकानी समेत बरामद गरेको छ ।

source https://www.onlinekhabar.com/2021/09/1007568